Popular Bible Verses from IBERANI 8

Share

It maluk eekwi iinok, an aberak logogin lek o. Inabuwa mbake logonet, inomaluk mondok lek eerogo piige logogin o,” yinuk, yereegerak nogo ti

An kinogoba Ala nen, Kit Iterali mendek kinake peebi eeriyak wone alik ngget mendek koonogo yokkiraagin o, yinuk, yagi o. An nen, Yogop ee'nu, ndogop ee'nu, yinuk, wone lengganogo yorage minggirak nogo ti, aberak logobagip nduk, kinikime mambinagage, ndi, kobak ogwe kiyo, kinikime liiru negen mbanogo pinagage, eeke logonet, an kinogoba Ala aret logogin o. Ndi, kit perak, an napuri aret logomunggup o.

It aakumi inanggok inom, elege-aabologwe inom, abok aret inogoba an aret ineenu arugun me, owe ambi nen awot ambi yoge logonet, Kogoba Ala keenu ilik, lek a? yinuk, yoge, ndi, ore ambi nen ore ambi yoge logonet, Ala togop eeke menggerak o, yinuk, mamunege, yinuk, togop eeko logogun lek o.

Ala nen at apuri wone lengganak kagak alik eekwi iige nagagirik, inaruk wake logonet, ”Kit aakumi Iterali mendek inom, Yekura mendek inom, kit wone alik ngget mendek koonogo yokkiroorak eyom panggoni wage o, yinuk, an kinogoba Ala nen abet aret yokkiragi o.

Nit wone yogwe yi nogo, alom liirogon yokkira o. Ala unde ninowe nggwok togop aret wonage o. At ninogoba endagembogut mondok tiyanak mbogut paga wone lengganogo yorage minggim eenggi abe'nggan paga kwi'nari laganeegerak logonet