Popular Bible Verses from IBERANI 6

Share

Yiiro niyo wonok nage kero, eyo nggwok paga mbarembogo mengga kwak, nit niniki ti, niniki luunik nogo paga aret mbarenak wonogwe o. Yiiro eyo nu'lek paga mbarembogo mengga kwak, niniki luunik nogo ti, Ala awi wurik me yum oolo ogoorak kagak aken time mbarenak negen wonage me, lek arigin lek mondok nu'lek mbarenak aret logogin o.

Kit kinogoba Ala eyabu eerit nogo logonet, at endage tiyappuwak nduk, ”Ao,” mba'nuk, Ala apuri yeenggwaarogo nogogutak inom, yogondak awo yeenggwaarogwe inom, at mari eerogo pigin lek o. At a'me nggelok eeke menggerak me, onggo ndak-ndak aret wokkiraagin o.

At Ala nen wone ambi iniki koombunuk Abarakam abok yoge, ndi, ti'nuk ambi, pilit mbarukwak at endage inom kunogo yoge, eereegerak nogo ti, wone yugu alom mbere, lek eerogo puurak lek mendek aret yoreegerak ti paga, at Ala nen, ”An alik eeriyak niniki koombunuk, yokkiraagin lek o,” yinuk, at Ala nen nit ninagap ndarak mendek, ”Wo'niraagin,” yo'niragagerak niniki luunik mugurok nogo monggoorak nogo nen abet mba'nuk, mugurok nogo logowak nduk, yoreegerak me, nit mondok mugurok nogo logowok aret o.

Togop me, nit abet mbaruwak nduk, Keritut eeke nagagerak wone aa'nduk mamunik nogo mendek mban mugurok nogo logorak lek o. Ata, nit niniki kole ee'ninaburak wone nogo mendek inom wappunuk, mugurok nogo logowok o. ”Nit obeelom eekkolaawok,” mba'nuk, eeko logonet kwe, kagak kanggo nogogurak wone nogo, mbo punuk, Ala abet mbakwi wone inom