Popular Bible Verses from Mateu 24

Share

A liranzo la vanyingi li ta titimela hi kota ya kuenzeleka ka kuonha. Kanilezi loyi a timiselako kala kugumesa, yaloye i ta hanyiswa.

A ivangeli leyi ya mufumo yi ta kanetwa misaveni yontlhe, kasi yiva wukustumunyu ka matiko wontihe; hi kona ku ta nga chikela a kugumesa.

Mu tazwa kulwa ni wudumo ga kulwa; ti woneleni lezaku mu nga dzukiswi. Lezi zilo zi fanele a kuva zi maheka, kanilezi a hi kona kugumesa.

Hakuva a tiko gi ta vukela tiko, ni mufumo wu ta vukela mufumo; ku tava kona tindlala ni kutsekatseka ka misava matshanwini ma tsalangeneko. Kanilezi zontlhe lezi kusangula ntsena ka kuxaniseka.

A tilo ni misava zi ta hunza, kanilezi a timhaka ta mina ti nga ta hunza.

Hakuva vanyingi va tata hi vito ga mina, na vaku: Hi mina Kristu; va ta pengisa vanyingi.

Hi xikhati lexo va ta mu nyikela kuxanisekeni, va mu daya; mu ta vengiwa hi matiko wontihe hi kota ya vito ga mina. Kwalaho ku ta khubeka vanyingi; va ta nyiketana ni ku vengana. Ku ta huma vaprofeti vanyingi va mawunwa, va pengisa votala.

Jesu i lo hlamula aku ngalo kabye: Ti woneleni kasi mu nga pengiswi hi munhu.

Hikwalaho na nwina, tshamani mu longile, hakuva a Nʼwana wa munhu wata hi xikhati lexi mu nga xi alakanyiko.

Hikwalaho rinzelani, hakuva a mu gi tivi a siku legi yi ta ngata ha gona a Hosi ya nwina.

Kanilezi lego siku ni lexo xikhati a ku na munhu a zi tivako,, hambu tingelosi ta tilo, hambu ni Nʼwana, sine Dadani yece.

hakuva ku ta huma vanhu va ta nga ti wula Kristu hi ku hemba, ku huma ni vaprofeti va mawunwa; va ta maha ziwoniso za hombe ni zirewukiso, kasi ku pengisa ni vahlawulilweko loku zi koteka.

Kota lezi ku nga maheka masikwini ya Noa, ku tava nghaho a kuwuyeni ka Nʼwana wa munhu. Hakuva khwatsi hi lezi va ngaga, vanwa, va teka, ni ku tekiwa, a masikwini lawo ya mahlweni ka ntalo, ku kala siku lego Noa a nga enghena ha gona lomo tarwini, a va nga tivi nchumu kala wuta ntalo, wu va kukuleta vontlhe; ku tava nghaho a kuwuyeni ka Nʼwana wa munhu.