Popular Bible Verses from Mateu 23

Share

Kanilezi loyi a nga wahombe xikari ka nwina, i ta maha nanza ga nwina.

Loyi a ta nga ti kukumukisa i ta koramiswa; ni loyi a ti koramisako i ta kukumukiswa.

Khombo a give ka nwina vatsali ni vaFarisi, nwina vaxengeteli! Hakuva mu nyikela a za wukhume a minte ni anase ni kumine, kasi mu tsikile a tshinya ga nayo, gi nga nongameto, ni wuxinji, ni kukholeka; kanilezi mu wa fanelwe hi ku maha lezi zo ranga, mu nga tsiki zinwani.

Khombo a give ka nwina vatsali ni vaFarisi, nwina vaxengeteli! Hakuva mu hlaza lahandle ka gombe ni ngelo, kasi hi lomu nzeni zi tele hi kuphanga ni kubiha ko hunzeleta.

Jerusalema, Jerusalema, loyi u dayako vaprofeti, ni ku gandla hi maribye lava va rumelweko ka wena! Zikhati zingani nzi nga lava ku wungeletela a vanana va wena, kota a pswele gi wungeletelako a zihukwana za gona lahasi ka tipapa ta gona, kanilezi a mu vumelangi.

Hizalezo na nwina, lahandle ka nwina mu woneka ka vanhu na mu lulamile, kanilezi lomu nzeni mu tele hi kuxengetela ni kubiha.