Popular Bible Verses from Mateu 13

Share

Kanilezi loyi a nga xwanyiwa misaveni yo saseka, hi yena loyi a zwako mhaka, a yi pima; yena wa pswala mihanzu, a munwani i pswala hi 100, a munwani hi 60, ni munwani hi 30.

Loyi a nga xwanyiwa xikari ka mizwa, hi yena loyi a zwako mhaka, kanilezi a kukaratekela a zilo za tiko, ni kukhohlisa ka xuma, ku tlimba a mhaka, lezaku yi nga pswali mihanzu.

Laha munhu a zwako a mhaka ya mufumo a nga yi pimi, kuta kakwe loyi wa kubiha, a ta wutla lexi xi xwanyilweko lomo mbilwini yakwe. Loyi hi yena a xwanyilweko ndleleni.

Loyi a nga xwanyiwa maribyeni, hi yena loyi a zwako mhaka, a hatla a yi amukela hi kutsaka; kasi yena wutsumbu a nga na mitsu, e tiya xikhatanyana ntsena; kanilezi loku ku chikela a kukarateka kutani kuxaniseka hi kota ya mhaka, a khunguvanyeka zalezo.

A mufumo wa tilo wu fanana ni tshomba yi fihlilweko sinwini, leyi a nga yi kuma munhu, a yi tumbeta; zonake kutsakeni kakwe a famba a ya xavisa zontlhe a nga nazo, a xava simu lego.

Kanilezi tinwani ti lo wela misaveni yo saseka, ti pswala mihanzu; a tinwani ti lo pswala hi 100, tinwani hi 60, tinwani hi 30.

Ngha na mu zi tsika zi kula zinwe ku kala ku chikela kutshovela. Hi xikhati xa kutshovela nzi taku ka vatshoveli: A kuranga wungeletelani a nyasavari, mu mu boha hi tinyanza, mu mu hisa; kanilezi a mavele mu ma hlengeletela magombeni ya mina.