Popular Bible Verses from Joxua 1

Share

Xana a nzi ku leletelangi, nziku: Tiyisa a mbilu, uva ni ntamu: u nga chavi, u nga tsemeki hlana; hakuva Jehova Nungungulu wa Wena i zinwe na wena kontlhe lomo u ta ngava kona.

A bhuku legi ga nayo gi nga dzuki gi hi kule ni nomu wa wena, kanilezi u ta gi alakanya mumu ni wusiku, u ti karata ku maha zontlhe lezi zi tsalilweko ka gona, kasi wa fela ku humelela ba tontlhe tindlela ta wena, u tshameka.

Ntsena tiyisa mbilu, uva ni ntamu, u chivirika ku lanzela milayo yontlhe leyi Mosi a nanza ga mina a ku leleteleko; u nga hambuki ka yona uya xineneni, hambu xibhabheni, kasi wa fela ku humelela ka zontlhe lezi u ta nga zi maha.

A ku kona munhu loyi a ta nga tiya a yima mahlweni ka wena ka wontihe masiku ya wutomi ga wena; khwatsi hi lezi nzi nga hi na Mosi, nzi tava na wena, cima nzi nga ta ku tsika, hambu ni ku ku siya.

Tiyisa mbilu, uva ni ntamu, hakuva hi wena u ta nga avela lava vanhu a tiko legi nzi hlambanyileko ka vararu vabye a ku va nyika gona.

Gontlhe wutshamu lego gi ta kanzihelwa hi mikonzo ya nwina, nzi mu nyikile gona, khwatsi hi lezi nzi byelileko Mosi.

A nanza ga mina Mosi i file; hikwalaho suka wena u ya tlhatuka loyi Jordani, wena ni vontlhe lava vanhu, mu ya enghena a tikweni legi nzi nyikileko a vanana va ka Israeli.

Makunu laha Mosi a nanza ga Jehova a nga file, Jehova i lo wulawula ka Joxua nʼwana Nuni, a nanza ga Mosi, aku

Kusukela le xiwuleni ni legi Lebanoni, kala congweni wa hombe, a congo wa Eufrate, gontlhe tiko ga maHiti, kala le ka Bimbi ga Hombe, hi le Mupela-gambo, gi tava tiko ga nwina.

Kani hi wihi a ta nga ala ku maha zileletelo za wena, a nga ingisi timhaka ta wena leti u ta nga hi leletela ka zilo zontlhe, loye munhu i ta dawa. Ntsena lezaku wena u tiya hlana u nga mbheli ntamu.

Fambani lomu magovelweni mu leletela vanhu, muku: Longisani timbuva, hakuva anzhako ka masiku manharu mu ta tlhatuka Jordani mu ya khozisa a tiko legi Jehova Nungungulu wa nwina a mu nyikileko gona a ku gi fumela. Joxua a wulawula ka tlawana wa va ka Israeli.