Popular Bible Verses from 1 Pedro 3

Share

Dzunzani Kristu kota Hosi timbilwini ta nwina; na mu longile ku hlamula hi kurula ni xichawo ni wihi munhu loyi a mu wutisako hi xigelo xa kutsumba ka nwina, na mu hi ni livalo li nene, kasi va fela ku telwa hi tingana hi lezi va mu hlevako ha zona, lava va rukatelako a mahanyela ya nwina ya ma nene ka Kristu.

A mahlo ya Hosi ma cuwuka a valulamileko, Ni tindleve ta yona ti kangatele mikombelo yabye; Kanilezi a nghohe ya Hosi yi tsuvile ka vona lava va mahako kubiha.

A kubomba ka nwina ngha mu nga bombi hi lahandle hi ku luka misisi, ni ku bomba hi zilo za nzalama, kutani hi ku ambala tinguwo; kanilezi ngha mu bombisa a munhu loyi a fihlilweko wa mbilu, hi tinguwo leti ti nga boliko ta moya wa kurula ni kuolova, lowu wu nga ni tsengo wa hombe mahlweni ka Nungungulu.

Hakuva: Yena loyi a lavako a kuva a tsakela wutomi Ni ku wona a masiku ya kusaseka, Ngha a tsimbetela a lirimi lakwe ka za kubiha, Ni milomu yakwe lezaku yi nga wulawuli kukhohlisa. Ngha a fularela a za kubiha, a maha kusaseka; A lave kurula, a ku lanzela.

Hi kugumesa, ngha nwina nwentlhe mu hi ni mbilu yinwe, mu zwelana, mu ranzana ni vamakabye, mu hi ni wuxinji, mu ti koramisa. Mu nga tlheliseli a kubiha hi kubiha, hambu ku tlhelisela a nzhukano hi nzhukano; kanilezi katekisani vanhu, hakuva mu vitanelwe lezo, lezaku mu taga a tshomba ya kukateka.

Xana himani a ta nga mu mahela kubiha loku mu pangamela lezi za zinene ke?

Ngha a fularela a za kubiha, a maha kusaseka; A lave kurula, a ku lanzela.

Hakuva i chukwana a kuva mu xaniseka hi kota ya ku maha kusaseka, loku Nungungulu a ranza lezo, ku hunza a ku xaniseka hi kota ya kubiha.