Popular Bible Verses from 1 Johani 3

Share

Vana vanga, ngha hi nga ranzi hi kuwulawula, kutani hi lirimi, kanilezi a hi ranzeni hi kumaha ni zinene.

Ha li tiva liranzo hi kota ya lexi, lezaku Jesu i lo nyikela kuhanya kakwe hi kota ya hina; hikwalaho hi yimelwe hi ku nyikela a kuhanya ka hina hi kota ya vamakabye.

Langutani lezaku liranzo la kuyini leli Dadani a hi ranzileko ha lona, lezaku hi vitanwa aku hi vana va Nungungulu; hakuva hi hina vona. A tiko a gi hi tivi, hakuva yenawu a gi mu tivangi.

Loyi a onhako ngwa Satani, hakuva Satani i onhile hi le kusanguleni. Kanilezi a Nʼwana wa Nungungulu i lo wonekeliswa lezaku a fela ku mbhetisa a mitiro ya Satani.

Kani hi wihi a belekilweko hi Nungungulu a nga onhi, hakuva a mbewu ya Nungungulu yi tshamile ka yena; a nga zi koti ku onha, hakuva i belekilwe hi Nungungulu.

Kanilezi kani hi wihi a nga ni zilo za tiko legi, a wona makabye na a vumala, a nga mu hawukeli, a liranzo la Nungungulu li nga tshamisa kuyini ka yena?

Loyi a hlayisako a zileletelo zakwe i tshama ka yena, na yena i tshama kakwe. Ha zi tiva lezaku i tshamile ka hina hi Moya lowu a hi nyikileko wona.

Hi xwalexo xi kombisako lava va nga vana va Nungungulu ni lava va nga vana va Satani: kani hi wihi loyi a nga mahiko lezi zi lulamileko a hi wa Nungungulu, ge ni loyi a nga ranziko makabye wakwe.

Hakuva a mhaka leyi mu yi zwileko hi le kusanguleni hi leyi, lezaku hi ranzana

Mu nga hlamali, vamakabye, loku a tiko gi mu venga.