Popular Bible Verses from Dhaniyeli 9

Share

Nyi di lombelela ga PFHUMU Nungungulu wangu, nyi dawulela sighoho sangu, kheni: Oh! Pfhumu! Nungungulu nya khongolo nya guthavisege, khu lihaladzo lago nya gutumbege, u vegedzago gidzumeledzwano ni avo va gu golago ni gu vegedza milayo yago

Nungungulu wangu, neredza ndzeve yago u yingisa; u tula maho yago u wona gu pfhungumudwa nya lidhoropa lago, li ranwago khu lina lago. Kholu kha hi giri gilombo gegi gwago khu gu na hiri valulami, aholu khu kotani nya wuhindzi wago nya wukhongolo. Uwe Pfhumu, yingisa! Pfhumu, divalela! Pfhumu, hi hakhe; thuma u nga hweli! Khu kotani nya lihaladzo lago, uwe Nungungulu wangu, u nga hweli; kholu lidhoropa lago ni vathu vago va gu ranwa khu lina lago.

Khu guralo, nyi di khusedza maho yangu ga PFHUMU Nungungulu nyi gira milombelo, nyi lila ni guhala, nyi ambala silendra ni gu phorola nguma.

PFHUMU Nungungulu wathu, a na ni wuhindzi ni gu tsetselela, ambari hi mu ghohedego

Khu semana mweyo basi, a na gira gidzumeledzwano gi tiyidego ni vathu nya vangi. Khu vbakari nya semana, a na vbedza miphaselo ni miningelo nya guhodze. Khu vbatshani nya gikoli nya Nyumba ya Nungungulu, gu na vegwa githombe nya guthise, kala wu vboha tsayiso wu vegisidwego gu tsayisa mumbembisi.