Popular Bible Verses from Dhaniyeli 8

Share

Uye a na bani nari ni tshivba, nasiri khu tshivba yaye. A na wusa vhilinganya nya gusamadzise, aholu uye a na dugelela ga satshavbo a gira esi a si golago. A na mbembisa dzimbe dzindrena ni sihathwa sa Nungungulu. Khu kotani nya wugengeli ni mano yaye, a na dugelela ngudzu, monyoni gwaye gu na tala khu matshandza, a na mbembisa nya vangi va mu tumbago, bwelo khavbo a wugela ni Pfhumu nya dzipfhumu. Ambari khu kharato, a na mbembiswa, aholu nasiri khu mandza nya vathu.

A nyi embela, khuye: “Nya gu vbweta gu gu embela iso si na dugelelago khu gikhati nya guhegise, a gu matshigu nya likhulo, kholu ayo ma na tadzisega khu gikhati gi vegisidwego nya mahegiso.” Hamba nya dzikheho dzimbili u yi wonidego, ya gu yeyedza vafumeli va Medhi ni va Peresi. Aholu, nyamabhongwe nya mawoya khu mufumeli wa Gresiya, ni kheho nya yikhongolo yi nga dugago khu mahoni gwaye, khu mufumeli nya guhegule.