Popular Bible Verses from Dzindzimo 91

Share

a na rungudza PFHUMU Nungungulu, khuye: Uwe Nungungulu wangu, u wuthavelo wangu, u likhokhola langu, U Nungungulu wangu nya gu gutumbe.

Muthu wule a thavelago ga PFHUMU Nungungulu a guromo vbatshani ngudzu, a hefemulago mutsani ga mune nya Tshivba Yatshavbo

A gu nyi rana, eni nyi na mu phindrula, gusanisekani gwaye nyi na bani nyiri naye, nyi na mu vbanyisa nyi mu ninga wuzundzo.

Kholu Uye a na rumela dzingilozi dzaye, dzi gu sayisa ni evbini u na belago khavbo.

A na gu fenengedza a gu vhikela, u na mana gu sayisega vbavbatshi nya dzimbapi dzaye; gutumbega gwaye gitshangu gyago.

Kholu khu lisine, PFHUMU Nungungulu wuthavelo wangu. U dzi hathede wulanga ga oyu a Khusegidego ngudzu. Li mwalo libango li na gu gudugelelago, ni madwali kha ma na bela ndrangani gwago.

Kholu uye a na gu vbulugisa gu modwa khu lizinga li dembidwego mbeli gwago, ni mitungu nya dzimhango dzi vbedzago vathu.

Ambari gu thega bambe gwago, likhumi mazana (1.000); mwendro gu thega likhumi magumi mazana (10.000) nyamudye gwago, gambe uwe khu na thegedwa khu libango lolo.

U nga khali hwanga khu gu thisa nya wutshigu, mwendro khu gighalala gi nga khwandrwa vbakari nya mihani, ambari khu tungu wu phalalegago gidemani, mwendro madwali ma songago vbamihanitunu.