Popular Bible Verses from Dzindzimo 42

Share

Khu ginani hefemulo wangu wu vbelago tshivba? Nya gu vbweta gutumba Nungungulu gambe nyi na mu rungudza. Uye khuye Nungungulu wangu ni muvbanyisi wangu.

Gufanana ni yisya yipwago lidora yi tutumela tsongoni nya mati, hefemulo wangu wu ngu gu suva Nungungulu wangu. Hefemulo wangu wu na ni lidora la Nungungulu, Nungungulu a vbanyago; lini nyi na guta nyi ta wonega mbeli nya khovbe ya Nungungulu?

Uwe monyo wangu, khu ginani u khuvekidego? Wa gu vbisega khu ginani ndrani gwangu? Tumba Nungungulu, kholu nyi nga na gu mu rungudza, uye khuye muphasi ni Nungungulu wangu.

Marongo yangu ma gu khala guhodza gwangu wutshigu ni mihani, litshigu ni litshigu na va gu nyi embela, khavo: “Womo hayini Nungungulu wago?”

Hefemulo wangu nya gu wupwa na wu gu vbisega ndrani gwangu; khu guralo, nyi ngu gu dundruga, tigoni ga Joridhani ni gigomoni gya Herimoni ni gigomwanani gya Mizari.