Popular Bible Verses from Dzindzimo 37

Share

Vega ga PFHUMU Nungungulu gutsaka gwago, uye a na gu ninga gugola nya monyo wago.

Guvbanya gwago gu vege mandzani ga PFHUMU Nungungulu tumba uye, a na gira satshavbo.

Tumba PFHUMU Nungungulu u vega gwaye gitumbo gyago, u nga garadzegi khu vale va dugelelago guvbanyani gwawe, khu kotani nya muthu a thumisago wurena.

Uwe tumba PFHUMU Nungungulu, gira nya sadi; u na vbaha tigoni u vbanya khu gukhadzisega.

PFHUMU Nungungulu a ngu tiyisa migondro nya muthu nya wadi a ngu nengedziswa khu ndzila yaye; a gu tshunganela kha thegi, kholu PFHUMU Nungungulu a ngu mu phara khu libogo.

A na wonegisa gululama gwago kha nga wenengedzo ni dzifanelo dzago kha nga lidambo li wenengedzago vbamihanitunu.

Diga likhulo, u nyenya khorodza, u nga khali likhulo u nga ghoha.

Nyi diri lidzaha, olu nyi gumbide, aholu gima nyi si gu woni muthu nya gululame na digidwe, mwendro livelego laye na li gu lomba silo nya guhodze.

U nga garadzegi khu kotani nya vathu nya guvivbedwe khu myonyo, gambe u nga gireli lidiwo vale va girago guvivba.