Popular Bible Verses from Isaya 11

Share

Liphuvbo la PFHUMU Nungungulu, li na mbaka vbatshani gwaye, a gu Liphuvbo nya guti ni mapimo, Liphuvbo nya wusingalagadzi ni tshivba, Liphuvbo nya wugengeli ni githawo ga PFHUMU Nungungulu. A na nengela khu guthava PFHUMU Nungungulu; kha na lamula gukhedza khu khovbe nya muthu, mwendro gu kona gukhedza khu gu pwa ndzeve

Khu tshinani ga Jese, gu na thunga litamo, khu mikhambani gwaye, gu na buga pfhundre.

aholu, a na lamula sisiwana khu nayo, a pila mahungu ya va nya gu dzi nogisa va tigoni khu gululama; a na veta litigo khu lipitso nya magana yaye, khu furugedzo wa kanani gwaye, a na songa va nya guvivba.

Gululama gu na bani guri gutiya gwaye, gutumbega gu na bani guri libhandri la giwununi gwaye.

Malangani yatshavbo ya gigomoni gwangu nya gukatege, kha gu na manega guvivba mwendro gusongana, kholu litigo latshavbo li na tala khu guti gwa PFHUMU Nungungulu, kha nga mati ma tadzago yiphwa.

Lisolwa li na vbanya dangamwedo ni nvuta, ni likhamba, li na lala dangamwedo ni phongo; gimombyana, ni ginghalana, ni ginvutana, si na gimbila gumogo, si na ghudwa khu gyanana nya gidugwana.

Ga litshigu lolo, va nya mayigo va na tutumela ga khamba wa Jese wu vegidwego kha nga ngavbya nya mayigo yatshavbo; ni wulanga a khalago avbo wu na zundzega.