Popular Bible Verses from Dhewuteronome 28

Share

Mosi a di ganela, khuye: “Wa gu yingisa gwadi lito la PFHUMU Nungungulu wago, u sayisa gwadi milayo yaye nyi gu ningago muhuno, PFHUMU Nungungulu wago, a na gu khusedza vbatshani nya mifumo yatshavbo ya mafuni.

Wa gu yingisa lito la PFHUMU Nungungulu wago, makategwa yaya yatshavbo ma na tshiga vbatshani gwago.

Wa gu yingisa milayo ya PFHUMU Nungungulu wago, nyi gu rumago muhuno gu yi vegedza ni gu yi landrisa, PFHUMU Nungungulu a na gu khusedza vbatshani a gu vega avbo nya gikhalo gya mbeli, na siri gya hwane.

PFHUMU Nungungulu a na gu tulela thomba yaye nya yadi, ndzadzini, a gu ninga ndzadzi tigoni gwago khu gikhati gyakone ni gu kategisa thumo watshavbo nya mandza yago; u na fuyarisa mayigo nya mangi, aholu uwe khu na fuyari gilo.

PFHUMU Nungungulu a na gu ninga tshivba nya gupale valala vago va na gu wugelago; va nata khu ndzila mweyo gasi guta dwana nago, aholu va na phalalega va thava khu livbandre na dzimbili dzindzila.

PFHUMU Nungungulu a na rumela makategwa sithungani gwago ni ga yatshavbo mithumo ya mandza yago; a na gu kategisa ga litigo u ningwago khu PFHUMU Nungungulu wago.

U na kategiswa gikhati u belago ni gikhati u gudugago

Uwe u na kategiswa dhoropani gwago u kategiswa gambe ni mahangeni gwago.

Wu na kategiswa melego wago, ni mihandro ya thembweni gwago, ni mihandro nya sifuyo sago, a gu marole nya dzimombe dzago ni dzinvuta dzago.

Wa gu vegedza milayo yaye, PFHUMU Nungungulu a na gu emisa u khala litigo laye nya guage, kha nga idzo a sambanyidego khidzo PFHUMU Nungungulu wago, wa gu gimbila khu dzindzila dzaye.

Gi na kategiswa gitundru gyago ni mbiya yago nya gusugele wuguvbi.

PFHUMU Nungungulu a na andrisa mihandro nya melego gwago, sifuyo sago si na velegelana, ni mahangeni gwago gu na fuma mihandro nya yingi, ga litigo eli PFHUMU Nungungulu a sambanyidego ga vababe vago gu gu ninga.

Mayigo yatshavbo ya mafuni ma na gu wona na wu gu ranwa khu lina la PFHUMU Nungungulu, ma na gu ninga githawo.

U nga ndreyi uya nyamudye mwendro nyambade ga magana yatshavbo nyi gu ningago muhuno, khu gu landrisela vambe vanungungulu u va khozela.

Aholu, wa gumba yingisa lito la PFHUMU, Nungungulu wago, u si khathali khu gu landrisa milayo ni sileletelo saye nyi gu ningago muhuno, dzitshanisa dzi na gutago vbatshani gwago khedzi