Popular Bible Verses from Marcos 12

Share

Jesúsnam nirqan: <<Mas cäsukunantsikpä kaq mandamientum nin: <Israel runakuna, shumaq wiyakuyay. Tayta Diosnintsikqa jukllayllam. Tayta Diosta kuyayanki llapan shonquykikunawan, llapan voluntänikikunawan, llapan yarpaynikikunawan y llapan kallpaykikunawan>. [Tsayqa mas cäsunantsikpä kaq mandamientum.] Tsaynöllam jukaq mandamientupis nin: <Kikiki kuyakunqaykinö runa mayikita kuyanki>. Tsay ishkan mandamientukunata mas cumplinantsiktam Tayta Dios munan>>.

Tsayta rikaykurmi discïpulunkunata qayaykur Jesús nirqan: <<Rasunpam nï: Kay pobri viüdaqa llapanpitapis mas atskatam wiñashqa. Wakinkunaqa sobraq kaqllantam wiñayashqa. Peru kay viüdam sïqa tsaylla rantipakunanpä kaykaptinpis llapanta wiñashqa>>.

Tsaypitanam templuchö ofrenda wiñakuyänan cäja frentinchö Jesús jamaykar rikarqan runakuna ofrendata wiñaqta. Tsaynöllam rikarqan rïcu runakuna atska qellayta wiñaykaqta. Tsayman chaykurmi juk pobri viüdapis ishkay centävullata wiñarqan.

Tsay ishkay mandamientukunata cumplinqantsikqa llapan sacrificiupitapis mas allim kaykan>>.

Tsaymi Jesús nirqan: <<Césarpa kaqtaqa Césarta entregayay. Tayta Diospa kaqtaqa Tayta Diosta entregayay>>. Tsaynö niptinmi tsay runakuna ima niytapis puëdiyarqantsu.