Popular Bible Verses from Epesus 4

Share

Pomnom tamamon emaret baöinokot emkopmama saonok emamadama mazedu. Ta Kristus terkaeyamkaöyemokom porokom, Allah ta vosom pok terkakokormohme. Ini poktamin, tamamon emaret pedak emkopmama zedakamna faip zama mazedu.

Ta zi eyaba adakam baöinokot uu bapakopma mazedu. Ere vin uu saonok emamadama dam fef baparema maze bas.

Ta adakam pedak bapaka maze bas, pomnom ta adakam baöinokot taka bapaka mazedu. Ta baöinokot adakam bapakzer zedakam adakamom amnopakdu. Ere ta adakam zan zides uu panimnok bafaimamat adakam amnopakdu.

Suremakame, eroma baden dakis surpipmemakame, eroma boa baden adakam dakisnokoma, tame pedak ziremakam baden adakamom, bataoduosu. Ere binip pedakas baozamna maze bas.

Ta surpipma zedakamna vosom pok baotima maze bas. Ta surpipma zedakamna, ini badisurer taka saoa bi bakaepua maze bas. Iblis ta vosom batimnakamzer bafemohmotzer bataodudoma maze bas.

Za uu ere ta bonok emarirokom emaret pedak tara terkapormamadiris. Ta bonok emarirokom emaret bataoduosu za zairis. Bonoknok ta binip zamnirokom binip tama nanggot at sokmabarokom, dakisnok aemabarokom, kaunok sirabirokom. Ere za uu tara pormamadirise, Allah Namup emado ta mamnin zamnemakam biniboma, zeke amon zamnemakam binibom, ai adozanaremnu. Ere ta ai emaret adoemabu. Allah za ai emaret tara tedomamebe ta Arbataka emaret poktamin ere emnokoma baöinokodom bafeferaberkamzer tedomen.

Allah ta baden bok zi emapmemer pormer, ta aumzürem eyamkaöyememakam. Allah Namup ememer ta uu aumzürem eyamkaöyememakam. Ere ta panimnok emomtinadakam aumzürem inimnok eyamkaöyema bazeomtinabora mazedu.

Ere za Ibit da uu da kosemerom emaret sai saidome. Vin uu Yesus adakam basasamnomneszer taöfermamere. Vin uu Allah aehmemer adakam bapakdomneszer taöfermamere. Ere vin uu fifipuades uu sesdomades e uu Kristus Adakam Baöinokot emnok emnoknok bazedeszer taöfermamere. Ere vin uu ere emnok emnoknok zes uu zandamadades bapormamadereszer taöfermamere. Taöferemamermebe, Allah za uu edom zanaramapmamebe, e uu Kristus A uu bazandamadereszer zanaramapme. Ere inime Kristus A uu Allah zait akosdomnames. Ere zakare Kristusom nanggot aumzürem nakam terkaeyamkaöyemom uu ere uu dit nakam sir avodemnamerom poktamin. Ere inime da edom Kristus adakam emnok emnoknok aumzürem zadom, Allah A Fai emtaka panimnok aporlamerom. Ere uu dit emaret nakam aemaberamerom. Ere da uu dit nakam sir vodemadom, da baöinokot emaret ere Kristus A baöinokot ditnok emaret poktamin afeferaberamerom.

Ere inime da faöis zibes emaremes emaret poktamin baoferabokare. Ere at sokomnomemes uu a pormamademes pedak adakam baeyambetbokare. Za uu arma piziri at sokomnomemese, adakam zi sakmamemes. E uu pakdomemes adakam ere voa ti vodapepmemes poktamin. Ere e adakam dara ini nakam baovodapepma mazebokare. Ere kur zuat fufmohmemer poktamin, za uu adakam dara ini nakam baofufmosombokare. Pomnom da emnok adakam kekenok taoma, namamon saosnok emamadama adakam bapakama za zam. Ere faöis zibes sir vodememes poktamin da Kristus A baöinokot emaret poktamin aoemaberamerom. Kristus ere e emnok emnoknok zares nanggot aumzürem nakam terkaeyamkaöyemes uu A kus zakare.