Popular Bible Verses from O IMAMAT 26

Share

Ngohi aha tinï tomoteke ngini; Ngohi aha todadi nia Jou Madutu deʼ ngini nidadi Ahi umati.

ma orahoka o awana Ngohi aha tohiguti, hiädono o tonaka ihi döaka o hasili deʼ hagala o gota mautu aha ihohoko.

Nako ngini niwango nia moteke hagala Ahi datoro deʼ nihi ngounu hagala Ahi pareta

Ngohi aha tö goana nia berera koiruaeua hiädono ngini yakunu nima idu nimahi rorahai, deʼ moiua niä modongo. O aiwani madorou aha Tahohihanga nia bereraka gënanga, deʼ koiwaka o parangi nia bereraka.

Ngohi aha tinihi barakati ngini deʼ ngohaka deʼ o danongo manga ngoë Tinihi döaka nginika. Okia Tinihi jajioka nginika aha Taganapu.

Ngohi ma Jou nia Jou Madutu, Tinï ao-ao ngini o Mesir mabereraka deʼ nihupu nidadiokaua o gilaongo. O kuaha inï tö tuku-tuku ngini Tatobikoka, deʼ ngini Tinihidadi o nyawa yo bö bebebasi.”

Ngohi aha togogere tingini nia hidogoronaka Ahi tau magoronaka, deʼ aha ko Tinï tilaua ngini.

Ma Jou wätemo, ”Uha nidiai o gomanga ekola nihi goko o dulada ekola o liate o helewo igogarade mangale nia huba. Ngohi ma Jou nia Jou Madutu.

Nia tonaka mahasili aha kadeʼ maboboloi, hiädono ka inï wedono o taongo moi. Maboboloioli pakisa ngini nihi hupu nia utu-utukino ihira-hira, hupaya naga mangï mangale nia gögono nia utu-utukino mahungi.

ngini inï motoa kani akunu niä hohihanga yaratuhu moi, deʼ inï ratuhu moi ngini kani akunu niä hohihanga yaribuhu ngimoi.

Nia tonaka mahasili aha deʼ maboboloi, hiädono nako ma yadonoka maöraha mangale nipagele o angguru mahohoko, ngini kani utukohi o gandum. Deʼ nako maöraha yadonoka o gandum nidatomo, ngini kani pagelohi o angguru mahohoko. Ngini aha deʼ nia inomo i kura-kurangua deʼ niwango deʼ madame nia bereraka.

Ngini aha niakunu nia hohihanga hagala nia haturu

Ni himulia o Sabat mawange deʼ o agama mawange ma amoko mahomoahi deʼ nia horomati o ngï yatinga-tingakoka mangale nihihuba Ngohi. Ngohi ma Jou.