Popular Bible Verses from O YOEL 2

Share

Ma Jou wätemo, ”Ma o oraha nënanga, ni lio Ngohi ino de nia hininga ma gahumu, ikali ni puaha, ni dodora deʼ ni ari.

”Ipahaika de gënanga mata-mata o nyawa aha Ta hidöaka Ahi wohama dema boboloi. Done nia ngoha-ngohaka o nauru deo ngoheka aha ihi ngahu hagala Ahi behehongo; o balu-baluhu nia hidogoronaka aha yo nanere o lolega-lolega aha Ta hidöaka o gogoduru deo momoholehika.

Nia kakihi nia hininga deʼ uha nia pakeanga.” Nima idulu ma Jou nia Jou Madutu ika. Unanga ikurutu ai sabari deʼ wota hayangi Ai hininga imura deʼ iwi omanga o dora. Wo sanangi wini hiapongo deʼ wo igoua wohidagi Ai hukumanga.

Mä o nagona honanga yo gahoko ma Jou Ai roriwo, aha yahi halamati. Ma Jou wotemo, ”O Yerusalem mabereraka hagala o nyawa Tä iri-iriki aha yo halamati.”

O wange ma lako aha ihuhutu deʼ o mede kama doka-dokara hokä o awunu. Mata-mata gënanga aha idadi ihira dema Jou Ai Wange i böa, o wange hö modo-modongo deʼ hö boborohono!