Popular Bible Verses from O YAKOBUS 4

Share

Hababu gënanga, nima hilapahi ma Jou Madutuika deʼ nia lawani o Ibilihi, done o Ibilihi aha ioara ngini oka

Niwitigika ma Jou Madutu, deʼ ma Jou Madutuö aha wini tigika ngini. Nia tebini nia giama, ngini nibobaradoha! Deʼ nia dodono nia hininga ngini, nia hininga ihohago-hago!

Kiani ngini nima hitipokouku nia diri ma Jou ai himangoka, done ma Jou aha ngini winihikurutil̄e.

Ngaroka hoko gënanga, ma Jou Madutu wonahi döaka Ai dora duru ilo amo-amoko ngoneino, iholoi ikuata ngaro de tongone nanga womaha manahihu gënanga. Hababu gënanga, Ma Jou Ai Demo ma Buku magoronakaö itulihi, ”Ma Jou Madutu walawani o nyawa manga hininga ikokurutil̄e, mä ikilioro yaino Unanga wahininga o nyawa manga hininga ipopoluluku.”

Hababu gënanga, o nyawa ihi öriki okia maoa-oa kiani yadiai, mä yadiaiua, o nyawa gënanga yobaradoha.

Deʼ ngaroka nginiö nigahokoka, mangini nia mäkeua, hababu nia gogahoko madumutu ihowono; okia ngini nigahoko ganga mangale nia diri mahirete masanangi.

Ngini ganga o nyawa yososetiaua! Ngini manihi öriki nako ngini nima teke dodiawo de o dunia, ngini nidadi ma Jou Madutu ai haturu? Ho onagona honanga yomau yodadi imateke dodiawo o dunia nënanga, ünanga wohidadi ai diri ma Jou Madutu ai haturu.

I yarehe okia aha idadi de nia wowango, nginiö mahirete manihi orikua! Ngini duga-duga hokä uku manofo jai-jai dika hamäke, ipaha ihihanga.