Popular Bible Verses from O YAKOBUS 3

Share

Mä o nyawa to önanga manga barija ma ahali dakuku, duru madodihiraka ünanga wododono, ipaha woigo imaka dame, ai demo-demo irahai, deʼ wotomoteke. Unanga iwi omanga o dora de o hayanga, deʼ ihihasili o manarama-manarama maoa-oa. Unanga woiri-irikua deʼ woma dodiaiua.

Nako nia hidogoronaka naga o nyawa yososawaro deʼ yobobarija, kiani ünanga wohidumutu de ai ngango maoa-oa deʼ wodiai o hali-o hali maoa-oa, imanïki o hininga maboluluku deʼ o sawaro.

Igoungu o oa-oa ganga o dame magihihi, mahasili yodatomo o nyawa yoigo-igo o dame!

Kiaka naga makangakua deʼ o biaha ihi akunu manga diri mahirete, genangokaö hamäke o ruae deʼ hagala irupa o manarama madorou.

Ngone hapäke mangale hohidemo tarima kasi ma Jouika deʼ tongone nanga Ama, mä mangale hahilaiö nanga dodiawo o nyawa, ma Jou Madutu wahi dadadioka imoteke Ai rupa de Ai dulada. De o uru genanginoli ihupu o demo-demo tarima kasi deʼ o demo-demo o lolaiö. Kokiani uha hoko gënanga!

O äkiri kaimadäene de o uku. Tongone nanga röehoka, ënanga marupa o dorou matiti, ihi gerewoto o dorou tongone nanga dirika ingodumu. De o uku ma ahali o narakaino, ënanga yatuhukoka tongone nanga ngango ingodumu.

Mä o nyawa ma äkiri kaima tëngo mayakunua yadana. O äkiri gënanga itorou deʼ hakunua hakuaha; iomanga de o rasongo yahi hone-honenge.

Roriadodoto! Uha nia hidogoronaino nima wöe-wöe nimau nidadi niguru. Ngini nihi öriki ngone hodadi o guru aha ina adili de iholoi ikiria ngaro de o nyawa mahomoa.