Popular Bible Verses from O KEJADIAN 37

Share

O hutu moiuku o Yusuf wonanere, deʼ maöraha ünanga wohi jarita ai nanere gënanga ai ria-riakika, kaidogo önanga iwïdohata unangika.

O Yakub iholoi wïhayangi o Yusufika ngaro de ai ngoha-ngohaka mahomoa, karana o Yusuf womakil̄au maöraha ai ama iwi perekioka. O wange moiuku wadiai to Yusuf ai juba moi duru mahohailoa.

O Yusuf ai ria-riaka yamakeoka manga ama iholoi wïhayanga o Yusufika ngaro de onangika, önanga iwïdohata o Yusufika, hiädono yolukoka imaketemo ihidodiai dede unanga.

Ipaha o Yusuf wonaneroli, deʼ ünanga wahetongo ai ria-riakika, ”Ngohi tonaneroli, ngohi tamake o wange malako, o mede deʼ o murumu ngimoi de moi yatilabukuku ngohino.”

O Yusuf ai ria-riaka manga hininga i sanangiua unangika, ma ai ama itatapu wapikiri o nanere gënanga.

Nënanga o Yusuf wahöheto-hetongo onangika, ”Abeika niihene! Ngohi tonanere ngone mata-mata o dumuleoka magogiria o gandum magogobe holiko, daha tongohi ahi gandum imaoko imatotiail̄e. Tingini niagogobe ihigilolitino tongohi ahi gogobe daha yahuba enangika.”

Ika ngone hïtoma ünanga de o hikaweli ai mayeti o humu madü dudunguku. Dahaö ngone hahetongo ünanga iwigolioka o aiwani madorou. Ngone ahaö hamake sarakia idadi ai nanere gënanga.”

deʼ maöraha yä muruono naga o Midian manyawa imahöhuku-hukunu yakaino, o Yusuf ai ria-riaka iwihihupu o humu il̄e gënanga daha önanga iwi hukunu o Ismael manyawaika gënanga de ai ija o tiwi haaka monaoko. Ipaha imahöhuku-hukunu gënanga iwi ao ünanga o Mesirika.

Önanga imaketemo moi de moika, ”Nimä legahi, biaha wonä nanere gënanga waino.

Ma gurutikahi önanga iwimake o Yusuf, deʼ ünanga womahi adonowahi onangika, önanga yohininga moi mangale iwitoma.

”Ngone hïhikaweli dika o humu magoronauku o tonaka i kokakahaka nënanga, mä uha ngone hïgohara ekola hï l̄abo.” O hali gënanga wahetongo karana ünanga ai dumutu wïhihalamati o Yusuf deʼ wï huloko ünanga wolio o tauika.