Popular Bible Verses from O KELUARAN 23

Share

Nako ngini nihihuba Ngohi ma Jou nia Jou Madutu, ngini aha tinihibarakati deʼ o inomo, deʼ nia oke-okere, deʼ hagala o panyake aha Tohitingaka dede ngini. Nia bereraka aha koiwa o ngongoheka yahail̄otaka ekola yongohakua. Ngini aha Tohidöaka nia umuru ikurutu.

”Ngohi aha tahuloko Ahi malaekat inihihira ngini hupaya ini goana ngini deʼ iniao ngini mangï Tasosadiaika.

Nako ngini nihingounu enangika deʼ niadiai hagala Tohipopareta, Ngohi aha toparangi tälawani nia haturu mata-mata.

Uha nimahi mote-moteke de o nyawa yowöe-wöe nako önanga yodiai o howono ekola ihimotekua o hukumu deʼ ihidöaka o hakihi madiaiua. Uha nia tingaka de nia fara o nyawa manga perekara nia putuhu magoronaka, ngarokä niä totailako yahowono ekola yahowonua gënanga o mihikini manyawa.

”Uha nihi ngahu-ngahu o abari ielu-eluku, deʼ uha nïariwo o nyawa madorou ihi döa-döaka o hakihi madiaiua.