Popular Bible Verses from O KELUARAN 20

Share

”Ngohi ma Jou nia Jou Madutu tinï ao-ao ngini tinihihupu-o Mesir mabereraka o ngï ngini imagilaongo. Uha niahuba o gikiri mahomoa. Ngohi dika nihi huba.

Uha nimadiai o dulada marupa okia dika naga o dihangoka, o duniaka ekola o akere magoronaka o dunia matimiuku. Uha nia huba o dulada marupa hoko gënanga, karana Ngohi ma Jou nia Jou Madutu, deʼ Ngohi toluku ihihi tero de okianagamoi. Hagala o nyawa ihï doha-dohata Ngohi, Tähukumu hiädono manga tohora deʼ manga dotumika.

Nia horomati nia ama deʼ nia ayo, hupaya ngini nihalamati deʼ nia umuru ikurutu o bereraka aha Tinihi döaka nginika.

Nihimulia o Sabat mawange deʼ nia horomati o wange gënanga hokä o wange itebi-tebini.

Uha i sabaranga nia hetongo Ahi romanga, hababu Ngohi, ma Jou nia Jou Madutu, Tähukumu o nagona dika yapake ihowono Ahi romanga.

Ngini Tinihidöaka o wange butanga mangale nimä karajanga, mä o wange matumidi ganga o Sabat mawange i tingakoka mangale Ngohi. O wange gënanga kao nyawa moiö mayakunua yokarajanga, kayaoa ngini, kayaoa nia ngoha-ngohaka, nia gogilaongo-nia aiwani ipopaliara ekola o nyawa maporetino yogogere nia-bereraka.

Uha nio nahihu o nyawa mahomoa manga kia naga; manga tau, manga hekata, manga gogilaongo, manga aiwani ipopaliara, manga keledai, ekola okia dika toönanga madutu.”

Uha nihi döaka o hakihi iëlu-ëluku mangale o nyawa mahomoa.

Uha ni hudali.

Uha ni toma.

Uha ni tohiki.