Popular Bible Verses from O PETRUS MADODIHIRAKA 1

Share

Niaino ngone hosukur ma Jou Madutuika, nanga Jou Yesus Kristus ai Ama! Una duruhë wonä dora ngone, mahababu gënanga Unanga wonahidöaka o wowango mahungi ngoneino, de wihiwango okali o Yesus Kristus o honenge mahi dogoronaka. Nënanga inahi döaka ngoneino o ngonganono ibitu-bitumu. Ngone hönganono la hal̄ë idadi tongone hagala o barakati ma Jou Madutu wasö sadiaka Ai umatika, enagënanga hagala o barakati igögogono o horogaka, hiädono yakunua ibodito, ekola idadi imëla ekola iaiki.

Karana gënanga kokiani ngini nia hininga imörene, ngarokö öraha nanga maöraha madodipoko ngini kokiani nia hininga i huha karana ngini nia öhana i rupa-rupa o cocoba. Madumutu enagangala ihi nyata igoungu boteka ngini igou-goungu niwi ngaku ma Jouika ekola kowali. O gurasi naga yakunu kai bodito, yataili de o uku. Aa, tingini nia ngongaku iholoi naga iragane de o gurasi, hoʼ kokiani yatailoli hupaya idadi ibitumu. Deʼ de hoko gënanga ngini aha inï higiriri deʼ inï horomati inoli inï tedeil̄e o Yesus Kristus ai böa ma wangeoka.

I idulu yaino, kokiani ngini nitebini hagala moi-moi magoronaka naga ngini nia dodiai, imatero hokä ma Jou Madutu winï aho-ahoko ngini gënanga wotebini. Ma Jou Ai Demo ma Buku magoronaka i tulihi, ”Kokiani ngini nitebini, hababu Ngohi totebini.”

Niwihi ngounu ma Jou Madutuika, deʼ uha niwango nia moteke nia nahihu ihira-hira, maöraha ngini niwi nako uwahi ma Jou Madutu.

Hababu gënanga, kokiani ngini nimä böbötoka. Nimahi dodiai nimä göana deʼ nio nganono iomanga o barakatika aha inihidöaka nginika maöraha o Yesus Kristus dahaö woböa.

Ma Jou Ai Demo ma Buku magoronaka itulihi hoko nënanga, ”Mata-mataika o umati hokä o momo, deʼ hagala mahoromati hokä o momo mahuri. O momo imaai, mahuri ma irero; mä ma Jou ai demo kahi ado-adonika ikakali.” O demo gënanga o Abari ma Oa i hi ngahu-ngahuoka nginika.