Popular Bible Verses from MATIUS 13

Share

Dait binéq saq geriq léq tanaq saq subur ibarat dengan-dengan saq dengah dait paham léq manik nike. Ie pade bebuaq luwéq, araq saq satus, enem dase dait telung dase kali lipet hasilne.”

Binéq saq geriq léq tengaq bebenes beduwi ibarat dengan-dengan saq dengah manik nike, laguq kuatir mengenai idupne dait mélé idup méwah. Keranaq nike manik léman Allah tegepit léq dalem aténe sehingge ndéq iniq bebuaq.

Binéq saq geriq léq langan nike ibarat dengan-dengan saq dengah manik mengenai Kerajaan Sorge, laguq ie pade ndéq ngerti. Beterus Si Jahat nike dateng ngerampas napi saq sampun tesawur léq dalem até dengan-dengan nike.

Binéq saq geriq léq tanaq saq luwéq batune, ibarat dengan-dengan saq dengah manik nike, dait langsung nerimaq siq senengne. Laguq manik nike ndéq berakah léq dalem até ie pade, sehingge ndéq tahen ngonéq. Sewaktu dateng penyusah atao penganiayean lantaran manik nike, ie pade langsung murtat.

“Hal Kerajaan Sorge pade maraq perumpamean niki: Araq harte karun léq dalem tanaq terus tedait siq dengan, laguq tetamaqang malik ojok dalem tanaq. Dengan nike cemoh gati beterus ie lumbar jual selapuq dowéne, terus ie tulak beli tanaq nike.”

Laguq araq éndah binéq saq geriq léq tanaq saq subur, terus bebuaq; araq saq satus, araq enem dase, dait araq éndah saq telung dase kali lipet luwéqne.”

Alurang deduaqne beléq bareng-bareng jangke dateng waktune tepataq. Laun tiang gen badaq dengan-dengan saq mataq nike: Kumpulang juluq lolo-lolo ré, taliq, dait sedut. Beterus kumpulang gandumne dait toloq léq dalem lumbung.’ ”