Popular Bible Verses from MATIUS 12

Share

Laguq Tiang badaq side: Léq jelo Penghakiman éraq, sebilang dengan harus betanggung jawab léq ucapan-ucapanne saq ndéq araq manpaatne. Séngaq setetune, napi-napi saq sampun teucapang gen tekadu jari nentuang side salaq atao ndéq.”

Side dengan jahat, berembé side bau ngucapang hal-hal saq solah lamun side jahat? Séngaq napi saq teucapang léq biwih tetentuang siq isi aténe!

Hal-hal saq solah sugul léman dengan saq solah séngaq ie penoq siq hal-hal saq solah. Laguq hal-hal saq jahat sugul léman dengan saq jahat séngaq ie penoq siq hal-hal saq jahat.

Keranaq nike Tiang badaq side pade: Lamun dengan gawéq dose atao menghine dengan lain, ie masih bau teampunin! Laguq lamun ie menghine Roh Allah, ie ndéq gen teampunin!

“Adéq temauq buaq saq solah, lolone harus solah. Lamun lolone ndéq solah buaqne éndah ndéq gen solah. Jari, solah atao ndéq lolone nike bau tetaoq léman buaqne.