Popular Bible Verses from Roma 3

Share

sababu ngene mo-moini ngowa'a baraḏosa. Dadi ngene wo kiḏanga madutu ra Ma Jou'ongu Madutu ga'a 'o mulia, re pa'i ngene wo dadi ngowa'a kananga sala ua ra Ma Jou'ongu Madutu 'ai momina sababu Unanga 'ai mura re dadalara ḇato. Unanga 'o si'a'a so'o gena-ge di'a ngene sa'olo cocatu sababu Kristus Yesus rena tuusu.

ngene pa'i wo dadi loasa re banari na'o ngene nanga ngo-ngaku ra Yesus Kristus. Re Ma Jou'ongu Madutu ḏuanga i'a 'a si'a'a so'o gena di'a ngowa'a mo-moini ga'a manga ngo-ngaku ra Yesus Kristus. Ngowa'a mo-moini ma tero ra Ma Jou'ongu Madutu 'ai momina

Ma Jou'ongu Madutu 'o sijumu Yesus toma mandan sa'olo jou-jou wakutu Unanga 'ai ngaunu ri pa'ala toma salib. Dadi na'o ngene wo ngaku mangale Yesus 'o sengene di'a ngene, Unanga 'ai ngaunu gena-ge 'i singi-ngiranga Ma Jou'ongu Madutu 'ai borata ra ngene sababu nanga ḏosa. Ma Jou'ongu Madutu 'a si'a'a so'o gena di'a 'a sijumu 'O sijuruhakimi rai 'adili. Sababu 'ua re 'au wali moju, Unanga ro pake 'akala ma ḇanyo toma manusia manga ḏosa-ḏosa singadolo Unanga ya'u sihukumu nyangu. Mada'a nange-ne sababu Yesus Kristus 'ai se-sengene, Ma Jou'ongu Madutu ra sijumu mangale Unanga 'o 'adili. Re Unanga ḏi'i 'o sijumu mangale Unanga 'o 'adili, sababu Unanga 'o kanau 'a guna ḇato ga'a 'ai ngo-ngaku ra Yesus, unanga gena-ge 'o dadi loasa re banari ra Unanga 'ai momina.

Sababu gena-ge, matengo i'a mai ua nga'unu 'o dadi loasa re banari ra Ma Jou'ongu Madutu 'ai momina sababu unanga ra mete'e Musa 'ai hukumu. Siḏibo ḏi'i, Musa 'ai hukumu pa'i sijumu ḇato ra ngene mangale ngene ngowa'a baraḏosa.

Ma tero sa'olo 'i silefo ḏua toma Boku 'Ofi-'Ofi so'o ne: “Matengo ua 'o loasa re banari, matengo i'a mai ua! Matengo i'a mai ua 'o nana'o mode-mode'e Ma Jou'ongu Madutu, matengo i'a mai ua 'o nyafusu mode-mode'e di'a 'o nana'o Unanga. Ngowa'a mo-moini raḏi maki-kiḏanga ra Ma Jou'ongu Madutu ngowa'a mo-moini manga faeda ri cua ra Unanga; matengo ua 'o 'a'a la-la, matengo i'a mai ua!”

Dadi enanga ma ḏo-ḏogumu tala so'o ne: Ngene wo dadi ngowa'a loasa re banari ra Ma Jou'ongu Madutu 'ai momina sababu wo ngaku Yesus Kristus. Matengo ua 'o dadi ngowa'a loasa re banari sababu 'a mete'e Musa 'ai hukumu.

Sanga ua! Kalaha manusia mo-moini 'aḏi sa-sakala re 'aḏi sitotomo ua manga jaji, Ma Jou'ongu Madutu 'o banari, re Unanga 'o cufala di'a sitotomo 'Ai jaji. Toma Boku 'Ofi-'Ofi ma dara 'i silefo so'o ne: “ 'Oru ḇato Ma Jou'ongu Madutu 'o kanau, ngowa'a mo-moini 'aḏi oḏi'i gena-ge 'i banari. Re Ma Jou'ongu Madutu 'o 'utungu tau-taunu na'o 'O sijuruhakimi.”