Popular Bible Verses from Roma 16

Share

Dadi Ma Jou'ongu Madutu ga'a pula'a dame Tai ngowa-ngowa'a, Unanga jau-jau 'o sita'aloko 'Iblisi singadolo Enanga 'i ta'aloko ra ngini. Ngoi to golo'o ra Ma Jou Yesus mangale 'Ai mura re dadalara sieanga i'a ngini ua.

Ioronongoḏu ngo-ngaku rimoi, ngoi to golo'o mode-mode'e ra ngini: Ni ma'istiari ino toma ngowa'a ga'a ma'u sabi ḏuḏunu re 'aḏi siruwahe ninga ngo-ngaku ra Ma Jou'ongu Madutu, sababu ananga gena-ge manga do-doto'o 'i ma'u rapu reo do-doto'o ga'a ngini na sanga ḏua. Dadi ni maki-kiḏanga ra ananga.

Sababu ngowa'a ga'a 'aḏi 'a'a so'o gena-ge ananga 'aḏi munara ua di'a nanga Jou Kristus, mada'a di'a sisanangi ḇato ananga manga 'akala re sinyingara ma mau masiretene. Ananga gena-ge 'aḏi baja re 'aḏi kanau rema demo-demo lai rousu madutu di'a sihaga ngowa'a ga'a waro 'oru rimoi ua.

Puji re silamo'o Ma Jou'ongu Madutu! Unanga ga'a Rai kuasa 'i site'e ninga ngo-ngaku sababu reni dawongo Habari Roanga ga'a ngoi reta singadolo mangale Yesus Kristus. Ngoi reta singadolo habari gena-ge mete'e 'oru ga'a Ma Jou'ongu Madutu ra sijumu ra ngoi, mada'a toma 'ua re 'au wali moju ngene wa waro ua. Mada'a nange-ne mete'e Ma Jou'ongu Madutu 'ai parenta, Unanga ga'a 'ahu kasingado-ngadolo i'a, habari gena-ge 'i siajele re sijumu toma bangsa mo-moini mete'e nabi-nabi manga boku, la ngowa'a mo-moini nyengara ya ngaku re ya mete'e Unanga. Unanga gena-ge Ma Jou'ongu Madutu ga'a pa'i matengo ḇato re 'akala soro'unu ma cimi. Ino ngene wo puji re silamo'o Unanga kasingado-ngadolo i'a sababu Yesus Kristus 'ai ga'a. 'Amin.