Popular Bible Verses from Roma 15

Share

Ngoi to golo'o ra Ma Jou'ongu Madutu ga'a ninga ngo-nganono ma cimi, di'a nu siromanga taninga 'akala re sinyingara ma dara reo roanga re dame ti-tiai, ngini ga'a reni ngaku Unanga, la sababu Ma Ngagara 'Ofi-'Ofi ma kuasa, ninga ngo-nganono 'i ganapu te'e.

'Oru ga'a ri silefo toma Boku 'Ofi-'Ofi ma dara, mo-moini gena-ge di'a sidoto'o ngene. Sababu do-doto'o toma boku gena-ge, ngene nga'unu wo tahana susa re sangisara re sibabata ngene, dadi nanga ngo-nganono ra Ma Jou'ongu Madutu 'i dadi te'e.

Ngoi to golo'o ra Ma Jou'ongu Madutu ga'a nu sibabata ninga 'akala re sinyingara re siriono ngene wo tahana toma susa re sangisara ma dara, di'a nu siriono ngini ni 'ahu ma'u 'aro'o la ino matengo re matengo sa'olo ngini ni mete'e Kristus Yesus, la ngini ni marimoi ni puji re silamo'o Ma Jou'ongu Madutu, Ma Jou Yesus Kristus 'ai Ḇaḇa.

Sababu gena-ge ioronongoḏu ngo-ngaku rimoi, ngini balasu ni ma'u dawongo matengo re matengo ma tero sa'olo Kristus 'o dawongo ngini, la ngowa'a 'aḏi puji re silamo'o Ma Jou'ongu Madutu.

Sidogo ḏi'i, ngene matengo re matengo balasu wo siḏagi 'oru ga'a sisanangi re siriono nanga ioronongoḏu ngo-ngaku rimoi, la ananga manga ngo-ngaku lebe te'e.