Popular Bible Verses from Rm 8

Share

Haswitiva hine leswaku hinkwaswu switlhanganela akuva switirisa ku lava varandraka Xikwembu Nkulukumba, vanga lava avavitaniki hi kungu drakwe.

Hikusa nakholwisisa leswaku, nambi ka kuva kufa, nambi bya kuva vutomi; nambi swakuva swirun'wa kumbe min'wana minfumu kumbe mintamu ya moya; nambi swakuva swa swoswi, nambi swakuva leswi switaka; nambi swakuva swa mintamu leyi mitlakukiki, nambi swakuva leswi swiyetiki. Akuna ntxhumu nambi ni mhunu lweyi a nga kotaka kuhi travukanyisa ni lirandru dra Xikwembu Nkulukumba, ahinyikiki ku dri tiva hi Hosi yeru Yesu Kriste.

Hiswoleswo na wone Moya wa hipfunisa a gomeni dreru, hikusa ahitivi kukhongota hilaha swifaneliki, kambe a Moya hi ntshima wu hi kombelela hi minkonyo leyi mingeke na kutlhamuxeliwa.

Hitahlaya yini hi leswi? Loko Xikwembu Nkulukumba ayimile na hine, i mani lweyi a taka lwa na hine?

Kambe swoswi akehena kuyavanyisiwa ku lava vanga ku Yesu Kriste.

Hikusa akuyanakanya ka swanyama kuyisa kufeni, kambe leswi swinga swa Moya swiyisa vuton'wini ni le kuruleni.

Kambe ku hinkwaswu leswi hine hi hundrisa ngopfu kuhlula, hi lweyi ahirandriki.

Hikusa ni pimisa leswaku a mahlomulo yeru ya swoswi amana kufanisiwa ni kuphatima loko kutakapfuleteliwa ku hine.

Hi mani lweyi ataka hitravukanisa ni lirandru dra Kriste? Nhlomulo, kunonon'hweliwa, kuxanisiwa, ndlala, vusweti, timhangu, a lifu?

Yene Lweyi avonaka ndreni ka timbilu, ativa leswi a Moya wuswinavelaka, hikusa hi kurandra ka Xikwembu Nkulukumba, hileswaku wukhongotela tinsasi.

Hinkwavu lava fambisiwaka hi Moya wa Xikwembu Nkulukumba, i vana va Xikwembu Nkulukumba.

Hikusa lava vatinyiketaka ka nyama vayanakanya mintxhumu ya nyama, kambe lava vatinyiketaka ka Moya, vayanakanya swa Moya.

Yene lweyi angatretrelelangakiki a N'wana wakwe, kambe ahinyiketi yene hinkweru, xana angaka angahihanani hinkwaswu kun'we ni N'wana wakwe?

Hi wo Moya lowo wu dondrisaka a moya weru leswaku hine hi vana va Xikwembu Nkulukumba. Ke, loko hili vana, na kone mfuri hi vadi va pfindla. Hi vadi vapfindla dra Xikwembu Nkulukumba kun'we na Kriste. Loko hi xaniseka kun'we na yene, na kone hitatwalisiwa kun'we na Yene.

Hikolahu, akuyanakanya ka nyama ku nyenyana ni Xikwembu Nkulukumba, hikusa akuyingiseti a nawu wa Xikwembu Nkulukumba, mfuri akukoti kuyentxa.

A misava hinkwayu n'wirindrela hi kunavela lokukulu ampfuletelo wa Xikwembu Nkulukumba ku vana vakwe.

Haswitiva swinene leswaku kukondra kuva swoswi misava hinkwayu yakonya, yixaniseka swanga kuvavisa ka kulun'wa.