Popular Bible Verses from 1 Chamué 15

Share

Rü nüma ga Chamué rü ínaca rü ñanagürü: —¿Ta̱xacü nixĩ i ngẽma rümemaexü̃ cuxca̱x? ¿Rü cuxca̱x rü ngẽma naxü̃nagü Tupanaca̱x iguxü̃ rüe̱xna Tupanaga nax ixĩnüexü̃? Rü dücax rü ngẽma Tupana yexera namaxã taãẽxü̃ nixĩ nax naga ixĩnüexü̃, rü tama carnérugüarü chíxü̃ naxca̱x nax iguxü̃.

Rü yíxema tama Tupanaga ĩnüxe rü ñomatama tayuüxü̃rüxü̃ poraãcü chixexü̃ taxü i Tupanape̱xewa. Rü yíxema chixri Tupanaga ĩnüxe rü ñomatama tupananetaxü̃ ticua̱xüü̃rüxü̃ chixexü̃ taxü. Rü dücax, rü ñu̱xma nax nüxü̃ cuxoxü̃ i norü mugü, rü nüma ya Tupana rü cuxü̃ naxo nax Iraéanecüã̱xgüarü ãẽ̱xgacü quixĩxü̃ —ñanagürü ga Chamué.

Erü yimá Tupana ya Iraétanüxü̃maxã poracü rü tama nidora, rü taguma nanaxüchicüxü i ngẽma nagu naxĩnüxü̃ erü tama wüxi i duü̃xü̃marerüxü̃ nixĩ —ñanagürü.

—Choxü̃́ nangu̱x ya Chaú nax ãẽ̱xgacüxü̃ nüxü̃ chaxunetaxü̃ erü choxna nixũgachi rü tama nayanguxẽxẽ i ngẽma chanamuxü̃ —ñanagürü. Rü nüma ga Chamué rü poraãcü naãxẽwa nangu̱x ga yema. Rü Cori ya Tupanaxü̃ nachixewe ga guxü̃ma ga yema chütaxü̃gu.