Popular Bible Verses from ROMA 3

Share

Kerno kute tun bi menea duso ngen bi coa ade kemulioan Allah. Ngen kerno kasih karunio nelei ngen cuma-cuma kerno penebusan lem Kristus Yesus.

adeba kebenaran Allah kerno imen lem Yesus Kristus utuk kute tun de pecayo. Sebab coa ade bedane.

Kristus Yesus bi tentau Allah jijai dalen damoi kerno imen, lem daleak-Ne. Hal iyo nea-Ne utuk kemten keadilan-Ne, kerno Si bi munyau duso-duso de sudo tejijai bel'o pado maso kesabaran-Ne. Maksud-Ne adeba utuk kemten keadilan-Ne pado maso yo, supayo nyato, bahwo Si benea ngen kulo menea tun de pecayo ngen Kristus jijai benea.

Sebab coa su'ang tun kulo dapet benea neak adep Allah kerno kemerjo hukum agamo Yahudi, kerno justru hukum agamo Yahudi tun kemnal duso.

Awei ade tetulis: “Coa ade de benea, su'ang tun kulo coa, coa ade su'ang tun kulo ngertai, coa ade su'ang tun kulo de mesoa Allah. Kute tun bi nyeleweng, tobo'o kute coa beguno. Coa ade de menea baik, su'ang tun kulo coa!

Kerno keme yakin, bahwo manusio jijai benea kerno imen, ngen iso kerno si kemerjo hukum agamo Yahudi.

Paset bae coa! Sebelekne: Allah adeba benea, ngen kute manusio pendusta, awei ade tetulis: “Supayo Ko ternyato benea lem kute firman-Nu, ngen menang, amen Ko nukum.”