Popular Bible Verses from ROMA 15

Share

Allah adeba penan udi ma'ep. Semoga Si menea ateinu ngen kute sukocito ngen sejahtera kerno udi pecayo ngen Si, supayo ngen kuaso Roh Allah udi tambeak ma'ep ngen Allah.

Kute de tetulis neak lem Kiteb Sucai adeba utuk majea ite. Sebab pelajaran de ite temimo kunei Kiteb Sucai menea ite jijai tabah ngen kuet sehinggo ite dapet ma'ep ngen Allah.

Semoga Allah, de melei kesabaran ngen penghiburan ngen manusio, temulung udi utuk idup do atei, temotoa teladan Kristus Yesus. Ngen do atei Saudaro kutene besamo-samo dapet mujai Allah, Bapa Tuhan ite Yesus Kristus.

Sebab o lokba Saudaro-saudaro temimo do ngen de luyen ngen riang atei, serai awei Kristus kulo temimo udi utuk memuliakan Allah.

Sebelekne ite masing-masing harus semnang atei sesamo saudaro ite utuk kebaikanne, supayo imenne tambeak kuet.