Popular Bible Verses from ROMA 14

Share

Sebab amen Allah meriteak su'ang tun, jano de si buliak mbuk atau menem, coa peting igai. De peting adeba bahwo tun o temotoa kelok Allah, meding atei tenang ngen temimo sukocito de nelei Roh Allah. Tun de melayan Kristus seca'o awei o, tun o semnang atei Allah, ngen tun-tun luyen hormat ngen si.

Sebab amen ite idup, ite idup utuk Tuhan, ngen amen ite matei, ite matei utuk Tuhan. Jijai baik idup atau matei, ite adeba de Tuhan temuan.

Sebab o tujuan ite harusba bogoa utuk hal-hal de menea kerukunan ngen samo-samo mbangun.

Kerno o jibeakba ite saling semaleak. Sebelekne berusahoba supayo udi coa menea jejano de menea su'ang saudaro do imen tergoda ngen beduso.

Kerno ade tetulis: “Demi Uku idup, awei'oba firman Tuhan, kute tun bakea nyembeak neak adep-Ku; ngen kute tun bakea memuliakan Allah.” Jijai ite masing-masing harus tanggung jawab ngen kute plep ite ngen Allah.

Temimoba tun de lemah imenne ngen coa bogoa madeak pendapetne.

Api udi, sehinggo udi semaleak hamba tun luyen? Teak si je, teak si us, do'o adeba urusan tuanne su'ang. Tapi si bakea tep je, kerno Tuhan bekuaso jemago si tep je.