Popular Bible Verses from GALATIA 6

Share

Jibeakba ite bosan menea baik, kerno amen bi sapei waktaune, ite bakea dapet asea, amen ite coa jijai lemah.

Kerno o, selamo masiak ade kesempatan bagiakte, maroba ite menea baik ngen kute tun, tapi terutamo ngen saudaro-saudaro do imen.

Lokba udi tulung temulung temanggung beban tun! Ngen awei o udi taat ngen periteak Kristus.

Jibeak seset! Allah coa munyau dirai-Ne keno pike. Kerno jano de tenanem tun, do'o kulo de bakea si dapet.

Sebab api de temanem temurut tabiat manusione, si bakea dapet kematian kunei tabiatne o. Tapi, api de temanem temurut pipinan Roh Allah, si bakea dapet idup kekal kunei Roh Allah o.

Saudaro-saudaro, amen suang tun menea duso, lokba udi de idup temurut Roh Allah, melei nasihat tun o belek moi dalen de benea. Tapi udi harus menea o ngen lemah lembut, ngen jagoba jibeak sapei udi suang tergoda kulo.

Amen suang tun madeak diraine peting, padahal si samo sekilai coa peting, si mike diraine suang. Tiep tun harus merikso diraine suang jano plepne baik jano coa. Amen baik, si buliak bangga das hal o. Tapi jibeakba si mbandingne ngen jano de nea tun luyen. Sebab tiep-tiep tun harus temanggung tanggung jawabne suang.