Popular Bible Verses from EFESUS 5

Share

Udi adeba anok-anok Allah de tekasiak, sebab o udi harus temotoa teladan Allah. Idupba neak lem kasih, awei ipe Kristus Yesus kulo bi mengasihi udi ngen bi semreak dirai-Ne utuk ite sebagoi persembahan ngen kurban de semnang atei Allah.

Kerno o, kemliakba bebaik, awei ipe udi idup, jibeak awei tun bodong, tapi awei tun bijak. Neaba sebaik-baikne tiep kesepatan de ade ngen udi, kerno maso-maso yo adeba maso de kidek.

Jibeakba udi mabuk ngen anggur, sebab do'o bakea musak udi, tapi lokba udi penuak ngen Roh, Pakeiba kecek-kecek kunei mazmur, legau puji-pujian ngen legau rohani. Lokba udi ngen riang atei mbin legau puji-pujian bagiak Tuhan. Bogoa mucep syukurba das kute sesuaktau lem gen Tuhante Yesus Kristus ngen Allah Bapa ite.

Sebab o jibeakba udi bodong, tapi berusahoba supayo udi ngertai kelok Tuhan.

Hoi sematen, citoba ngenyannu awei Kristus bi cito ngen jemaat ngen bi semreak dirai-Ne bagiakne.

Memang bel'o udi ade neak lem kelem, tapi uyo udi adeba te'ang neak lem Tuhan. Sebab o idupba sebagoi anok-anok te'ang

Utuk hormat ngen Kristus, lokba udi tunduk do ngen de luyen.

Hoi ngenyan, hormatba ngen matennu awei ngen Tuhan

Tapi ayat o ade hubunganne kulo ngen udi: Lokba tiep sematen cito ngenyanne awei si cito diraine suang ngen lokba tiep ngenyan berusaho utuk hormat ngen matenne.

Lem Kiteb Sucai tetulis, “Sebab o suang semanei bakea teminggea tun tuaine utuk jijai do ngen ngenyanne, sehinggo keduaine jijai do.”

Jibeakba menea plep-plep de coa beguno de nea tun-tun de idup lem kelem. Sebelekne, lokba udi muang hal-hal awei o. (