Popular Bible Verses from 2 KORINTUS 4

Share

Sebab keme coa kemliak hal-hal de keten, meluyen de coa keten, kerno de keten adeba sementaro, tapi de coa keten adeba kekal.

Do'oba sebabne keme coa putus asa. Kunyau manusio lahiriah keme tambeak merosot, tapi manusio batiniah keme jijai blau tiep bilai. Sebab penderitaan de coa sebrapo yo, bakea mbin asea bagiak keme kemulioan kekal de lebiak kunei kute-kutene, uak lebiak lai kunei pado penderitaan keme.

Keme senrang kunei kute pihok, tapi keme coa terjepit; keme bingung tapi coa sapei putus asa. Dau de musuak ngen keme, tapi coa perneak keme tinggea suang dirai. Ngen kunyau cet kilai keme nokoa sapei us, tapi keme coa matei.

Tapi hok rohani de baes o keme mbin pado dirai keme de coa bego yo de nea kunei pitok. Ngen awei o nyatoba bahwo laine kuaso o ade ngen Allah ngen iso ngen keme.

Tun-tun de coa pecayo, de pekeranne bi tetutup ngen ilah zaman yo, sehinggo tobo'o coa kemliak cahayo kunei Bito Baik o de adeba gambar Allah.

Allah de madeak, “Lokba kunei kelem timboa te'ang,” Siba de menea te'ang-Ne becahayo neak lem ateite, supayo ite dapet te'ang kunei pengetahuan tetang kemulioan Allah de keten neak papea Kristus.