Popular Bible Verses from 1 TIMOTIUS 6

Share

Berjuangba sungguak-sungguak utuk idup sebagai tun Kristen supayo ko mbut hadiah sejati ngen kekal. Sebab utuk o ba Allah menok ko pado waktau ko ngakau neak adep dau tun bahwo ko pecayo ngen Kristus.

Kerno bogoa meker caci, timboa kute mecem kejahatan. Ade pa'o tun mesoa caci sehinggo bi coa temurut igai ajaran Kristen, lajau tobo'o keno dau penderitaan de majua atei tobo'o.

Memang agamo melei utung de lai, amen tun pues ngen jano de temuanne.

Sebab coa ade sesuaktau kulo de ite mbin moi lem dunio yo, ngen coa ade sesuaktau kulo de dapet ite mbin moi luea!

Ngen tun-tun kayo neak dunio yo, lokba ko minoi supayo tobo'o jibeak ombong ngen jibeak ma'ep pado sesuaktau de coa tau awei kekayaan. Tobo'o harus ma'ep ngen Allah de melei kute sesuaktau ngen ite utuk ite nikmati.

Tapi tun de lok jijai kayo, tergoda ngen terjerat mecem-mecem kelok de bodong ngen musak. Kelok-kelok o menea tun jijai ajua ngen celako.

Meleiba nasihat ngen tobo'o supayo menea de baik, jijai kayo lem plep de baik, mu'eak atei ngen galok melei. Ngen awei o tobo'o melungguk hok de jijai modal de baik utuk masa depan. Utuk dapet idup de sebeneane, adeba idup de sejati.