Popular Bible Verses from 1 TIMOTIUS 4

Share

Jibeak suang tun kulo manggap ko rendeak kerno ko u'ai. Sebelekne, lokba ko jijai teladan bagiak tun-tun pecayo lem keceknu ngen plepnu, lem ca'o ko mengasihi sesamo ngen pecayo ngen Yesus Kristus, lem kesetiaannu ngen lem kemurnian.

Latihan jasmani didik bae gunone, tapi latihan rohani beguno lem kute hal, sebab mengandung janjai utuk idup pado maso uyo ngen maso de bakea teko.

Ko harus ngawas diraine suang ngen ajarannu. Lokba ko setia menea kutene o, sebab ngen awei o ko bakea selamat baik dirainu suang atau tun-tun de temi'uk ko.

Roh Allah seca'o tegas madeak bahwo pado maso-maso de bakea teko, ade tun de bakea murtad, lajau temotoa roh-roh de menea tun jijai sesat ngen ajaran-ajaran Iblis

Ne'uakba cerito-cerito takhayul de coa beguno. Lokba ko latih dirainu utuk beribadah.

Sementaro o, sapei uku teko be, ko harus sungguak-sungguak mbaco Alkitab ngen tun-tun ngen majeane.