Popular Bible Verses from 1 TESALONIKA 5

Share

Lokba udi bogoa riang, tepba bedu'o mucep syukurba lem kute hal, sebab do'oba de Allah kenlok kunei udi sebagai tun de idup jijai do ngen Kristus Yesus.

Semoga Allah suang de melei ite sejahtera, jemijai udi tun de sungguak-sungguak idup cuma utuk Allah. Semoga Allah jemago dirainu kutene, baik roh, jiwo ataupun awoknu, sehinggo coa ade cacetne pado waktau Tuhan te Yesus Kristus teko igai. Allah de sudo menok udi, bakea menea hal o sebab Si setia.

Jagoba supayo jibeak ade de males kejahatan ngen kejahatan. Berusahoba utuk menea baik, suang ngen de luyen ngen kute tun.

Kerno'o, lokba udi tep samo-samo ndukung ngen samo-samo melei semangat, serai de udi gidong menea uyo.

Keme minoi kulo, Saudaro-saudaro, tena'okba bebaik tun de coa lok kerjo, hiburba atei tobo'o de saben, tulungba tun de perlu tenulung ngen sabarba te'adep kute tun.

Allah miliak ite iso utuk nukum, tapi utuk senlamat-Ne liwet Tuhan te Yesus Kristus.

Saudaro kutene adeba tun de idup lem te'ang; udi adeba anok-anok te'ang ngen anok-anok lueng. Ite isoba tun-tun kelmen atau tun-tun kelem.