Popular Bible Verses from 1 PETRUS 5

Share

Senreakba kute kekhawatirannu ngen Allah, sebab Si gemleko.

Tapi sesudo udi menderita tegoa, Allah suang bakea menea udi jijai sempurno. Si bakea temgok ngen kemuet udi serto kemukuak udi. Sebab Si adeba Allah de kembiak baik atei, de sudo menok ko utuk milau meraso keagungan-Ne de abadi liwet Kristus.

Lokba udi waspada ngen bejago-jago! Sebab Iblis adeba musuaknu. Si awei singo paneu moi mindi mindoi samo mgemem mesoa upanne. Nelawenba si ngen imen de teguak, sebab udi namen bahwo saudaro-saudaro sesamo Kristen luyenne neak kute dunio kulo menderita awei udi.

Sebab o, rendeakba diranu neak beak tangen Allah de kuet, supayo Si melkat udi amen sudo waktaune.

Awei'o kulo Saudaro, tun-tun uai. Tundukba ngen tun-tun de tuai. Saudaro kutene harus merendeak dirai ngen saling melayan ngen rendeak atei. Sebab lem Kiteb sucai tetulis awei yo, “Allah temtang tun de ombong, tapi mengasiak tun de rendeak atei.”