Popular Bible Verses from 1 YOHANES 4

Share

Tun de meding kasih Allah, coa namen ngen saben; sebab kasih de sempurno menyep kute asai saben. Jijai nyatoba bahwo tun ati meding kasih Allah ngen sempurno amen tun o saben madep Bilai Penghakiman.

Tapi anok-anokku, udi de Allah temuan. Udi bi maleak nebai-nebai palsu, sebab de ade ngen udi lebiak bekuaso kunei roh de ade ngen tun-tun de temuan dunio yo.

Ite mengasiak, sebab Allah lebiak dute mengasiak ite.

Saudaro-saudaro de tecito! Maroba ite mengasiak do ngen de luyenne, sebab kasih asalne kunei Allah. Tun de mengasiak, adeba Anok Allah ngen si kemnal Allah.

Tun de coa mengasiak, coa kemnal Allah; sebab Allah adeba kasih.

Dioba kasih o: Iso ite de sudo mengasiak Allah, tapi Allah de mengasiak ite ngen mutus Anok-Ne supayo liwet Si ite dapet pengampunan das duso-duso ite.

Saudaro-saudaro de tecito, amen Allah kembiak mengasiak ite, ite kulo harus mengasiak do ngen de luyenne.

Allah madeak bahwo Si mengasiak ite ngen mutus Anok-Ne de tunggea moi lem dunio supayo ite dapet idup liwet Anok-Ne o.

Amen suang tun madeak, “Uku mengasiak Allah,” tapi si coa mengasiak saudarone, tun o pendusta. Sebab tun de coa mengasiak saudarone de kemliakne, coa mukin dapet mengasiak Allah de coa kemliakne.

Api makau bahwo Yesus o Anok Allah, Allah idup jijai do ngen tun o, ngen tun o kulo idup jijai do ngen Allah.

Sebab o, dioba periteak de nelei Kristus ngen ite: Api mengasiak Allah harus mengasiak saudarone kulo.

Saudaro-saudaro de tecito! Jibeakba pecayo ngen kute tun de makau temuan Roh Allah, tapi ntesba kileak tobo'o utuk namen jano roh de ade ngen tobo'o asalne kunei Allah atau iso. Sebab dau nebai palsu bi teko moi kute dunio. Awei'oba ca'one udi namen jano do'o Roh Allah atau iso: Tun de makau bahwo Yesus Kristus teko moi dunio sebagai manusio, tun o temuan Roh de teko kunei Allah.

Tapi tun de coa makau hal yo tetang Yesus, coa temuan Roh Allah. Tun o temuan roh kunei musuak Kristus. Saudaro bi temi'uk bahwo roh o bakea teko, ngen uyo si bi ade neak lem dunio yo.