Popular Bible Verses from TITO 1

Share

Avandu kuli yava veevoola vene vamanya Nyasaye, navuzwa vu vikolwa viavo, vamwambakanaa. Vaveeye avukuvihiririza, vatahulira kandi avataduukanaa ku miyinzi josi milahi.

Ku yavo valungi, vindu viosi viveeye vilungi, navuzwa ku yavo vadamanu na ava vula kusuuvira, sihaveeyeho ni kindu kinifu kuvo mba. Kali ndio ovogeri vwavo ni zing'anagani zie mioyo jaavo, viombi vigwiyi vidamanu.

Gamudukira agimiri vudinyu likuva lia Nyasaye liu uvusuuvirifu liliegizwa lihambanaa na amigizu gi dini kunangwa aduuki kuva unyala kuzuva avandi mu amigizu giligali, nu ku lungikiza yavo avahing'anaa na amigizu yago.

Muheenzi wi likanisa aveeye mulindi wi miyinzi ja Nyasaye; gamudukira ave mundu utaveeye nimbara. Atava mutindi, anoho wuvutima vwa vwangu; atava muhambiki, anoho mukubani, atava mukayirwi, utaveeye musuuvirifu ku mabese anoho mwimani mba. Gamudukira ave mwingirizi wa vageni kandi uyanzaa gaveeye malahi. Gamudukira ave mwilindi wuvulungi, umutakatifu, kandi wi miima milahi.

Mukulundu wi likanisa kuduuka ave musaza utaveeye nimbara kuye. Kuduuka ave musaza wu mukali mulala, kandi kuduuka avana veve vave avasuuviri avataveeye ni kirage anoho vatatizaa malago