Popular Bible Verses from LIKUNULA 6

Share

Ndaalora kandi ibarasi imbuheru umuhiri wayo yalangwa Likuza. Kihadisi chamulonda ahimbi na himbi. Vahevwe izingulu ku erobo yi lirova viiti ni kivavi, inzara, uvulwaye harara ni zinyama ziu muvulimu.

Ndahenza nindora ibarasi indavu! Muhiri wi barasi yaali nu vuta kandi yahevwa itaji. Kunangwa yatura kugihira kuli umuguuti uzizagilira kuguuta.

Maku Mwana wi Ligondi yaavoholora umuhuri gwakatano, ndaalora hasi hu vwali, imioyo ja yavo aviitwa ni kivavi kigira vilwaza likuva lia Nyasaye kandi kigira vaali avasuuvirifu mu lilolekiza liavo.

Navo vaalira nu kuhanzuka nu mwoyo umunene nivavoora, “O, Mwami wi zinguru, wu luyali, mutakatifu kandi wi ligali, kuduuka ing'inga ki, ivi ulalindagira uvuli kukalaga nu kuvaanza kisaalia chi liitwa lietu ku vandu avamenyaa mu lirova?” Navo vahevwa vuli mulala inguvu yi ganza indavu kandi ni vavolerwa vasoose hakekeke kuduuka livaliza lia Vakrisitayo vache na avamwavo vaavo avenyekanaa viitwi iduuka, kuli yavo viitwa.

Ibarasi yindi yatura ichova, ibarasi inzakanyu. Muhiri wayo yahevwa uvunyali koleta uvulwani mu lirova avandu vaduuki kwitana aveene na vene. Yahevwa kivavi ekenene ligali.

Lidiku linene liu uvutima vwavo liduuki, nivwaha unyala kusingira imbiri wuvutima yivu?”

Ndaalora kandi Mwana wi Ligondi navoholora umuhuri gwa sita, na henza liali ho lidegera linene kandi liuva liamwama kuli ligunia lialombwa ku uvwoya uvumwamu, nu umweli gwosi gwakanya kuli amasahi. Izing'ereng'ani nazio ziaguluka hasi ku lirova. Kuli umukuyu guvungulura amakuyu gagwo amagingi, ing'inga guhuzangwa ni imbuza enene.

Maku Mwana wi Ligondi yaavoholora umuhuri gwa kavaga, kandi ndaahulira kelombe keveeye mwoyo cha kavaga nikevoola, “Hamba!” Ndaalora ibarasi imwamu. Umuhiri wayo yaali ni kibimiru mu mukono gwigwe. Ndaahulira umwoyo nigutura hagati hi vilombe vine iviveeye mwoyo nigovoora, “Mitungu ji lidiku lilala ne kegero chi kilo ndala yu uvusie vwi ingano, ni mitungu ji lidiku lilala jiveeye izikilo zivaga zie shairi. Navuzwa, utononyia misaala ja imizeituni ni imizabibu mba!”

Ligulu liatulizwa ho vwangu kuli kitabu kilingwaa. Ivigulu viosi ni ivisulu viosi viatulizwa mu vogono vwavio. Maku avami vanene vi lirova, vimiliri vuvulwani avatugi, vizingulu na avatugwa vosi harara na vandu vosi avaveeye avavoholore, viivisa mu zimbangaywa nu mu magina gi vigulu.