Popular Bible Verses from LIKUNULA 5

Share

Vimba ulwimbu luhia, ni vavoola: “Ivi uduukani kuvugura kitabu no kovoholora imihuri jacho. Kigira ivi witwa, kandi kigira likuza liilio, ivi waagulira Nyasaye avandu kutura mu vuli ihiiri, vandu vi zinimi lugano lugano, kandi ku zihiiri ziosi mu kivala choosi.

Vavoola nu mwoyo umunene: “Mwana wi Ligondi uwiitwa uduukani, konyoora uvunyali, uvutugi, ovogeri kandi izingulu, uluyali uvukumi ni lizominya!”

Ivi umali kuvakola vave vami kandi avasaalisi kutumikira Nyasaye wiitu, kandi valamiha ku lirova.”

Ndaahulira kandi ivilombe viosi iviveeye mwigulu, iviveeye ku lirova, iviveeye isi wi lirova, iviveeye munyanza, kandi ivilombe viosi iviveeye mwoyo mu lirova ni vivoora: “Oyo uwikala kondeve yu vwami kandi ku Mwana wi Ligondi, luyali loveeye kuye, lizominywa, uvukumi ni zinguru, kuduuka mihiga ni mihiga!”

Maku mulala ku vakulundu yavo yambolera, “Utalira mba! Henza! Isimba mu ihiiri ya Yuda, chisukululwi cha Daudi, uguuti uvulwani, naveeye nu uvunyali kovoholora imihuri jacho saba nu kukikunula.”