Popular Bible Verses from LIKUNULA 22

Share

Inzi mbeeye Alufa na Omega, wimbiri nuwukumaliriza, litanga ne keheri.”

Yeso avoora, “Hulira Inzi nziza vwangu! Mbeeye na amadanyi gange, kutunga umundu sa mulala kolondekana ni miyinzi jije.

Kandi Roho harara nu umwiha vavoola, “Hamba!” Kandi uyu uhuliraa avoora “Hamba.” Kandi uyu oveeye nu uvuluhu yaaze, avugiliri amazi gi livamwoyo kuva ikihaanwa, uyu uwegombaa yaaze.

Vaveeye nuvugasu avogizaa zinguvu ziavo, vaduuki kulia amakuyu gu musaala gwi livamwoyo kandi kwingira mu virivwa nu kuduuka mu lidaala linene.

Yeso avoora, “Hulira, nziza vwangu! Aveeye nuvugasu uyu ugumira amakuva go ovoporofeti vwi kitabu yiki!”

Uvudiku sivulakave ho mba, kandi sivalakenye uvulavu vwi itaya, anoho vwi liuva mba kigira Mwami Nyasaye alakave uvulavu vwavo, navo valakamihi mihiga ni mihiga.

Uyu ololekizaa ivindu yivi avoora, “Ligali inzi nziza vwangu!” Gave ndio. Hamba, Mwami Yeso! Zimbavasi ziu Mwami Yeso zive na avandu vosi. Amini.

Inzi, Yohana, nziganihizaa umundu sa mulala uhuliraa amakuva go ovoporofeti vwi kitabu yiki; mundu woosi omedaa kindu choosi ku makuva yaga Nyasaye alameda kuye amaduywa agang'odwa mu kitabu yiki. Utuliza kindu choosi ku makuva gi kitabu cho ovoporofeti yivu, Nyasaye alatuliza lisanga lilie kutura ku musaala guhaanaa livamwoyo mu Lidaala Litakatifu, ili ng'odeywi mu kitabu yiki.