Popular Bible Verses from VAHEBURAINA 13

Share

Mutava niliiva liu kuyaanza mabese mba, navuzwa muvugiliri vindu via muveeye navio. Nyasaye umali kovora, “Inzi sindamwivilira mba.”

Yeso Kristo aveeye mulala mwere, mugolova, kalunu kandi kuduuka mihiga ni mihiga.

Kunangwa leki kuluviliri, ma kovoole, “Mwami aveeye mukonyi wange; sindatia mba. Mundu alangola ki?”

Mutivilira kokora vulahi kandi kokonyana aveene naveene, kigira yivi nivio visiuviliru viyanziza Nyasaye.

Gendi kuvitiri mu Yeso, kuhaane ku Nyasaye kisiuviriru chi lizominya lietu kazozo, agaveeye kovora, kisiuviriru kihaanangwa ni minwa jiyama lieta lilie kuli Mwami.

Lisererana kuduuka live nuluyali ku vandu vosi, kandi gaduukiraa avasaza na vakali vave avasuuvirifu mulala ku wache kazozo. Nyasaye alakakaragiri vadamanu kandi yavo avakolaa ovoheyi.

Mwizurizi kwingiriza avageni mu zinyumba zienyu. Mu likora ndio vaali ho avalala vingiriza zingelosi nivatamanyi.

Nyasaye umali kusimugukiza Mwami wiitu Yeso Kristo kutura mu vakuzu, oveeye Mwayi Munene wa magondi kigira lisundula lia masahi geege agadinyirizaa lilagana lie mihiga ni mihiga. Nyasaye wi mirembe amukole muve avadukiru mu vindu viosi vilahi via mwenya, kunangwa muduuki kokora uvulariri vwivwe; kandi kuvitira mu Yeso Kristo akole mu kunyi imbiri weve. Uvukumi vove kuye mihiga ni mihiga. Amini.