Popular Bible Verses from VAHEBURAINA 11

Share

Kuva ni lisuuvira ni kuva na giligali gi vindu via kulindiliraa, kandi vindu via kutanyala kolola. Kigira lisuuvira avaguuga vavugilirwa na Nyasaye.

Vugira lisuuvira, mundu sianyala kuyaanziza Nyasaye mba. Ku vosi uzaa ku Nyasaye gamudukira ave nilisuvira ndi Nyasaye aveeye ho kandi niyie muhaani wa madanyi ku yavo avamwenyaa.

Kigira lisuuvira, kumanyirizaa ndi ligulu lialombwa ku likuva lia Nyasaye, kunangwa, linyala kololeka lialombwa kutura ku vitalolekaa.

Kigira lisuuvira Aburahamu yegehiza lwa Nyasaye yamulanga azie mu kivala cha Nyasaye yaali ni yamusuuviriza ndi alamuha keve mwandu gwigwe, yazia kali natamanyi wazizaa. Kigira lisuuvira Aburahamu yamenya kuli mugeni mu kivala cha Nyasaye yaali niyamusuuviriza. Yamenya mu mahema kuli Isaka na Yakobo yanyoora lisuuvirizwa lilala liere kutura ku Nyasaye

Kigira lisuuvira, Nyasaye yiganihiza Nuhu kumakuva gi vindu viza kwekoleka via yaali sianyala kolola mba. Yahulira Nyasaye, ma nalomba liato aduuki kwehonyia harara na vandu vinyumba yeeye; kutura ku gene yago, avilirova vakalagirwa, na Nuhu yanyoora kutura ku Nyasaye uvulungi vuzaa kolondekana ni lisuuvira.

Kigira lisuuvira Enoka siyaakuza mba; muvogono yivwo yavugurwa na Nyasaye kutura kandi siaveeyeho nu mundu wamulola mba, kigira Nyasaye yaali namuhili muligulu. Mang'oda Matakatifu gavoora ndi, Enoka nakikiri kuvugulwa kuzia mwigulu yaali naayaanzizi Nyasaye.

Kigira lisuuvira, Habili yahaana ku Nyasaye kisiuviriru kilahi kuvita cha Kaini. Kuvitira mu lisuuvira yanyoora livugilirwa lia Nyasaye kuli mundu mulungi kigira Nyasaye mwene yavugilira vihaanwa vivie. Kuvitira mu lisuuvira lilie, Habili kali niyakuza, akikiri mwoyo.

Kigira lisuuvira Sara yanyoora zinguru zio kovereka mwana kali niyaali wi mihiga minyingi; kigira yasuuvira ndi Nyasaye, wamusuuviriza, aveeye musuuvirifu kutwekiza indagano yeeye.

Aburahamu yalindiliraa lidaala linene lia Nyasaye yalohiza nalibiima ma naaliumbaka, lidaala linene liveeye nimisingi midinyu.

Kigira lisuuvira, Musa yaviruka nava Mundu uduuki, yasura kulangwa Mwana wu mukaana wu mwami. Yatovola kusanga mulikubizwa kivi lia vandu va Nyasaye, kuvita kuyanzilira vwoni ku ing'inga ngekeeke. Yatovola linyegwa kigira Kristo kuva lilahi ligali kuvita vutugi vwa Egebeti; kigira yahenzerera madanyi gaaza imbiri. Kigira lisuuvira Musa yatura Egebeti vugira kutia vutima vwu mwami; siyirana inyima kigira yaali vuzwa mundu olola Nyasaye utalolekaa mba.

Kigira lisuuvira, Nyasaye yageriza Aburahamu ahaane Isaka mwana weve muderwa, ave kuli kisiuviriru. Aburahamu niye wa Nyasaye yalombera lisuuvirizwa yilio. Kali ndio, yavugilira kuhaana mwana weve muderwa kuli kisiuviriru.

Kigira lisuuvira Rahabu mukali wa malaya siyiitwa harara nayavo avavura kuhulira, kigira yingiriza avaluuti nimirembe.

Kigira lisuuvira avandu va Isiraeli vaambuka mu Inyanza Inzakanyu kuli vaali ku marova amuumu. Lwa vandu Vaegebeti vageriza kokora ndio vakuzira mu mazi vosi.

Kigira lisuuvira amadigi ga Jeriko gaagwa, inyima wa vandu va Isiraeli vaali nivakalikumberiza ku madiku saba.

Kigira lisuuvira yatangiza lipasaka, nalaga amasahi guufwi ku viliango kunangwa Engelosi wi Likuza avuli kwita avayaayi viivulwa kutanga mu vandu va Isiraeli.

Kigira lisuuvira, lwi likuza lia Josefu liali ahimbi, yatala amakuva gi litula lia avana va Isiraeli mu Egebeti, kandi navaha amalago ku liyavirwa liu muviri gwigwe.

Kigira lisuuvira, Yakobo lwa yaali na kuzaa yagasiza avana va Josefu, nakikiri kukuza. Samulala yasigamira Nyasaye niyesedemi ku imbimbu yeeye.

Kigira lisuuvira Isaka yagasiza Yakobo na Esau, kali mu vindu viliza.