Popular Bible Verses from VAEFESO 5

Share

Kigira muveeye avana avayaanze va Nyasaye, kuduuka kuva kuli aveeye. Livamwoyo lienyu kuduuka liamiifwi nu vuyanzi kuli Kristo yakuyaanza nahaana livamwoyo lilie mwene kigira kunyi kuli kihanwa kifunyaa mwayu mulahi kandi sadaka yukuyaanziza Nyasaye.

Kigira yaga, muhenze vulahi kuli mumenyi. Mutamenya kuli avandu vasiru, navuzwa kuli avandu vovogeri. Mutumikiri vulahi uvwiyangu vwa muveeye navwo ku likora vulahi, kigira zing'inga yizi ziveeye zidamanu.

Mutahambika iwaini mba kigira imanya imudivizi; navuzwa mwizuli Roho du. Muvolerane aveene naveene makuva gi zizaburi, muzinyimbu kandi mu zinyimbu zindakatifu. Mwimbi zinyimbu kandi zizaburi ku Mwami ni lizominya mu mioyo jinyu ku Mwami. Mwizominye kandi muhaane lisandiza kazozo ku Baba Nyasaye kigira vindu viosi mu lieta liu Mwami wiitu Yeso Kristo.

Kigira yaga, mutava avasiru, navuzwa mugerizi kumanyiriza uvulariri vwu Mwami.

Avasaza muyanze avakali vinyu kuli Kristo yayanza likanisa naalikuzira.

Maziambiri, munyi mwali mu kisundi, navuzwa kalunu muveeye nu vulavu mu mwami; kunangwa kuduuka mumenye kuli vana vu vulavu.

Mwegehizirane aveene naveene mu liitia Kristo.

Munyi avakali, mwegehizi ku vasaza vinyu kuli munyala kwegehiza ku Kristo.

Gaveeye ndio ku ivi; kandi musaza sa mulala ayaanze mukali weve kuli mwene yiyaanza, kandi mukali kuduuka ahaane luyali ku musaza weve.

Kuli Mang'oda Matakatifu gavoora, “Kigira yaga, musaza alaleka baba na mama weve naye alahambanywa nu mukali weve. Yava vaviri valagwa muviri mulala.”

Mutava ni lisanga ni miyinzi ji kisundi ijitaveeye nu vukala mba, navuzwa nivulahi mujichaye havulavu.